Qurilmalar

Windows 10 tizimida parol o’rnatish yoki o’zgartirish

  • O’qish vaqti: 3 daqiqa
  • Manba: The SecDev Foundation
  • Son’ggi yangilangan sana: 27 Iyul 2023
  • Turi: Amaliy qo'llanma
Illustration of a key in a trash bin and a woman standing in front of it holding a car key up in the air.

Siz kimdir fayllaringizni titkilashi, yo’qligingizda josuslik dasturlari o’rnatishi yoki kompyuteringizda xavfsizlik sozlamalarini o’zgartirishini xohlamaysiz. Windows 10 tizimidagi qurilmangizni parol bilan himoyalash yoki parolni o’zgartirish uchun quyidagilarga amal qiling.

Yodda tuting, bu o’zgarishlarni kiritish uchun siz kompyuteringizga administrator akkaunti bilan kirgan bo’lishingiz kerak.

Qurilmaga parol o‘rnatish

Windows 10 qurilmasida parol o‘rnatish uchun quyidagi amallarni bajaring.

1. Ekranning pastki chap qismidagi Start tugmasini bosing va Sozlamalar bandiga o’ting.

Accessing Windows Settings on Windows 10

2. Akkauntlar bo‘limiga o‘ting.

3. Chap tomondagi menyuda Kirish parametrlari bandini tanlang

4. Foydalanishingiz mumkin bo‘lgan kirish parametrlari ro‘yxatidan Parol bandini tanlang va Qo‘shish tugmasini bosing.

5. Ko’rsatilgan maydonga parol kiriting, uni tasdiqlang va Keyingi tugmasini bosing. Albatta kuchli paroldan foydalaning.

6. Yakunlash tugmasini bosing. Endi sizdan tashqari kompyuterdan yana kim foydalansa, qurilmaga albatta parol kirish orqali kirsin.

Qurilma parolini o‘zgartirish

Parolingizni kuchliroq parolga o’zgartirmoqchi bo’lsangiz quyidagi amallarni bajaring.

1. Kirish parametrlari menyusiga o‘ting (Start > Sozlamalar > Akkauntlar > Kirish parametrlari).

2. Foydalanishingiz mumkin bo‘lgan kirish parametrlari ro‘yxatidan Parol bandini tanlang va O‘zgartirish tugmasini bosing.

3. Joriy parolingizni kiriting va Keyingi tugmasini bosing.

4. Ko’rsatilgan maydonda yangi parol kiriting, uni tasdiqlang va Keyingi tugmasini bosing. Albatta murakkab paroldan foydalaning.

5. Yakunlash tugmasini bosing.

Majburiy parol kiritishni sozlash

Endi siz Windows 10 kompyuteringizda qurilma parolini o’rnatganingizdan so’ng, kompyuteringizdan foydalanishni xohlagan har bir foydalanuvchi uchun parol kiritishni majburiy qilib sozlashingiz kerak.

1. Ekranning quyi chap tomonidagi Start tugmasini bosing va qidirish maydonida “netplwiz” ni qidiring. Qidiruv ko’rsatadigan eng yuqoridagi natija xuddi shu nomdagi dastur bo‘lishi kerak. Dasturni ochish uchun netplwiz ustiga bosing.

2. Ochilgan oynada “Foydalanuvchilar ushbu kompyuterdan foydalanish uchun ism va parol kiritishi shart” yonidagi tasdiq belgisini belgilang.

3. Qo‘llash tugmasini bosing.

4. Tizim o’zgarishlarni tasdiqlashni so’raganida parolingizni kiriting va OK tugmasini bosing.

Batafsil o’qing

Raqamli Xavflar Logotip Raqamli Xavflar Parollar Logotip Parollar Qurilmalar Logotip Qurilmalar Ma’lumotlar Logotip Ma’lumotlar Suhbatlar Logotip Suhbatlar Raqamli Identifikatsiya Logotip Raqamli Identifikatsiya

Ushbu saytdagi barcha materiallar Creative Commons BY-NC-SA 4.0 litsenziyasiga ega. Kontentimizni bepul tarqatish va foydalanish uchun mualliflik huquqini ko’rsatish shartlarimiz bilan tanishing.