Suhbatlar

Telegramda xavfsiz suhbatlashish

  • O’qish vaqti: 3 daqiqa
  • Manba: The SecDev Foundation
  • Son’ggi yangilangan sana: 08 Fevral 2022
  • Turi: Amaliy qo'llanma
An illustration of a woman using her phone with the Signal logo next to the phone.

Koʻplab mamlakatlarda ommalashganiga qaramay, Telegram xabarlar almashish ilovasi uning aksariyat foydalanuvchilari oʻylaganidek xavfsiz emas. Avvalambor, oddiy standart Telegram chatlarida ikki yoqlama shifrlash mavjud emas. Ilova ikki foydalanuvchiga ikki yoqlama shifrlangan kanalda suhbatlashish imkonini beradi, ammo bu funksiya standart ravishda yoniq emas. Shuningdek, bunday shifrlash guruh chatlari uchun mavjud emas. Qolaversa, Telegram barcha o’z foydalanuvchilarining kontakt maʼlumotlariga kirish huquqiga ega va ularning metamaʼlumotlarini, jumladan, IP manzil va qurilmalar haqidagi tafsilotlarni to’playdi. Va nihoyat, Telegram guruh chatlari va kanallari yetarli darajada xavfsiz deb bo’lmaydi.

Agar siz ushbu xavflarga qaramay, baribir Telegramdan foydalanishni xohlasangiz, ilovada suhbatlashishning eng xavfsiz yo’li bu – maxfiy (yashirin) chatlardan foydalanishingiz va xabarlar uchun oʻqilgach o’chib ketish funksiyasini sozlashingizdir.

Maxfiy chatlardan foydalanish

Telegramda xabarlaringizni himoya qilishning eng yaxshi usuli ikki yoqlama shifrlangan individual maxfiy chatlardan foydalanishdir. Yuqorida taʼkidlanganidek, Maxfiy chatlar Telegramda standart holda ishlatilmaydi, bu funksiyani siz o’zingiz ishga tushirishingiz kerak.

Maxfiy chat boshlash uchun siz suhbatlashmoqchi bo’lgan kontaktni tanlang va sarlavhadagi foydalanuvchi rasmini bosish orqali uning profilini oching.

Choosing a user on Telegram for additional chat features.

Foydalanuvchi nomi yonidagi uch nuqta belgisini bosing va pastga ochiluvchi menyuda«Maxfiy Chat Boshlash»bandini tanlang.

Starting a secret chat with a friend on Telegram.

Boshlashbandini bosib tanlovingizni tasdiqlang. Maxfiy chatni boshlaganingizda chat yuqorisidagi foydalanuvchi ismi yonida qulf belgisini koʻrasiz.

Confirm to start a secret chat on Telegram.

Oʻz-oʻzini oʻchirib tashlash taymerini oʻrnating

Xabarlar o’qilgach o’zini-o’zi o’chirib tashlash funksiya qo’llanilishi kerak bo’lgan maxfiy chatni oching. Foydalanuvchi nomi yonidagi qulf belgisining mavjudligi va ushbu belgi hamda foydalnuvchi ismi yashil rangda bo’lishi Telegramdagi maxfiy suhbatlarning ko’rsatkichidir. Maxfiy chatni ochganingizdan so’ng, soat belgisini bosing (iOS tizimida Xabar yuborish qatorida yoki Android qurilmada yuqori panelda).

Accessing the self-destruct timer on Telegram.

Kerakli vaqt chegarasini tanlang (bir soniyadan bir haftagacha). Xabar yuborish qatorida maxfiy suhbat uchun belgilangan vaqt chegarasini ko’rasiz.

Setting the self-destruct time on Telegram.

Oʻz-oʻzini oʻchirib tashlash taymeri xabar qabul qiluvchining ekranida koʻrinishi bilan ishga tushadi (xabar ostida ikkitalik tasdiq belgisini koʻrasiz). Vaqt tugashi bilan xabar har ikki qurilmadan ham o’chib ketadi.

Esda tuting, maxfiy chatlardagi o’zini-o’zi o’chirib yuborish taymerining bu taymer o’rnatilishidan oldin yuborilgan xabarlarga dahli yo’q, ya’ni ularga ta’sir qilmaydi.

Skrinshotlarga e’tiborli bo’ling

Telegram maxfiy chatlardan foydalanayotgan foydalnuvchilarni ularning suhbatdoshi skrinshot olganidan xabardor qiladi.

Screenshot detection and notification on Telegram.

Afsuski, bu funksiya ba’zi Android qurilmalarida har doim ham ishlamaydi. Bundan tashqari, siz xabar yuborayotgan shaxs o’z ekranini boshqa qurilma bilan suratga olishi ehtimoli mavjud va siz buni hech qachon sezmaysiz. Shuning uchun, siz to’liq ishonmaydigan odamga shaxsiy yoki maxfiy xabarlarni yubormang.

Batafsil o’qing

Raqamli Xavflar Logotip Raqamli Xavflar Parollar Logotip Parollar Qurilmalar Logotip Qurilmalar Ma’lumotlar Logotip Ma’lumotlar Suhbatlar Logotip Suhbatlar Raqamli Identifikatsiya Logotip Raqamli Identifikatsiya

Ushbu saytdagi barcha materiallar Creative Commons BY-NC-SA 4.0 litsenziyasiga ega. Kontentimizni bepul tarqatish va foydalanish uchun mualliflik huquqini ko’rsatish shartlarimiz bilan tanishing.